Йошкар-Олаште таксист- влак машина ӱмбак стаканым шынден кудалыштыныт

Йошкар-Олаште таксист- влак машина ӱмбак стаканым шынден кудалыштыныт
             Йошкар-Олаште таксист- влак машина ӱмбак стаканым шынден кудалыштыныт. Марий Элыште «Российыште таксин эн сай водительже» Россий кӱкшытан конкурсын регионысо икымше йыжыҥже мучашлалтын. Республике тыгай конкурсыш кокымшо гана ушнен. Финалыш кайышаш верч 16 профессионал водитель таҥасен. Эн ончыч нуным корно правилым палымыштым, такси нерген законым, республикын историйже нерген шинчымашыштым тергеныт. Вара нуно таҥасымашын практик ужашыжым эртеныт, автодромышто таксист- влак йыгыре парковкым, «Змейкым», ончыко да шеҥгеке кайымым, 90 градуслан савырнымашым ончыктышаш улыт ыле. Йоча лӱдыкшыдымылыкшат ӧрдыжеш кодын огыл: йоча креслым чын вераҥдыман. А машинам ласкан вӱдымым стакан вӱд дене тергеныт. Тудым машина ӱмбалне ик чӱчалтышым йоктарыде наҥгаен мошташ кӱлеш ыле. Чыла йыжыҥым эртымеке эн сай водительлан 70 баллым погышо Александр Володкиным шотлымо. Тудо Марий Элын чапшым федерал кӱкшытыштӧ аралаш тӱҥалеш. Кокымш верыш 63 балл дене Денис Томилов лектын. Кумшо верыште- 61 балл дене Алексей Иванов. Сеҥыше ден призёр- влаклан окса призым кучыктымо: 15, 10 да вич тӱжем теҥгем.
         Фото: Транспорт министерстве.

Прошлые выпуски