Юл кундем федерал округын законодательже- влак Марий Элын агропромышленный куатшым акленыт

Юл кундем федерал округын законодательже- влак Марий Элын агропромышленный куатшым акленыт
           Юл кундем федерал округын законодательже- влак Марий Элын агропромышленный куатшым акленыт. Округысо законодатель- влак советын еҥже- влак 79-ше заседанийын программе кышкарыштыже республикысе агропромышленный комплексын икмыняр тӱҥ объектлашкыже миеныт. Эн ончыч нуно Йошкар-Оласе Чарла кремльыш ял озанлык ярмингаш миеныт. Уна- влак дене пырля ял озанлык министр Павел Раевский лийын. Законодатель- влак советын еҥышт вӱдышӧ  предприятий- влакын продукцийышт дене палыме лийыныт. Нуно марий аграрий- влакын кочкыш- сийыштым тамлен да налын кертыныт, усталык коллектив- влакын концертыштым онченыт.
          Тиде кечынак нуно «Йошкар-Ола шыл комбинатын» цехлаже дене палыме лийыныт. Тушто сӧсна, ушкал да сурт-кайык шылым перерабатыватлат. Предприятий «пасу гыч кевыт ӱстембал марте» концепцийым шыҥдара. Экскурсийым генеральный директор Сергей Зверев эртарен.
           Тиддеч вара «Семёновский» племзаводын кумыс фермышкыже миеныт. Тушто нуным генеральный директор Александр Козырев вашлийын. Мучашлыше кумдык Медведево районысо «ЗаАзяково» экопарк лийын.  Тушто контактный зоопарк, вейк-парк ыштат, «Лапта» фестиваль эртаралтеш, еш сыроварня, ял озанлык потребкооператив ышта. Экопарк кумдыкышто округысо кундемлаште АПК-м вияҥдыме йодышлан пӧлеклалтше пашаче совещаний эртен.
            Фото: Марий Эл Кугыжаныш Погын.

Прошлые выпуски