Марий Эл «Самырык- влаклан регион» федерал программыште сеҥышыш лектын
Марий Эл «Самырык- влаклан регион» федерал программыште сеҥышыш лектын. Российысе регионлаште самырык политикым комплексно вияҥдыме «Самырык- влаклан регион» программын Россий кӱкшытан конкурсыштыжо Марий Эл сеҥыше- влак радамыш пурен. Программе кышкарыште федерал бюджет гыч у инфраструктура объектлам, «Авангард» рӱдер негызеш самырык- влак дене пашам ыштыме площадкым ышташ 97 миллионат 700 тӱжем теҥгем колтат. Марий Эл кумшо гана «Самырык- влаклан регион» федерал конкурсышто сеҥышыш лектеш. 2023-шо ийыште самырык- влак политикым вияҥдаш республике 122 миллион утла теҥгем налын ыле, 2024-ше ийыште 95 миллионым, 2025-ше ийыште 97 миллион утла теҥгем налшаш. Самырык политике Марий Эл правительствын ик эн приоритетан паша корныжлан шотллатеш. Кодшо ийын икымше гана Марий Элым вуйлатышын самырык шанчыеҥ, шымлыше да инноватор- влаклан грантшым ыштыме. Патриот толкын чолган вияҥеш. 366 патриот организацийыште 9 тӱжемат 500 еҥ заниматла. Регион юнармеец- влакын вузлаш тунемаш пурымо дене элысе лу эн ончыл субъектла раламыш пура. Республикысе самырык- влакын инициативе ден чолгалыкышт федерал кӱкшытыштӧ поддрежкым муэш. Идалык еда 400 утла самырык еҥ «Территория смыслов», «Таврида», «Машук», «ИВолга» форум ден фестивальлаште участвоватла.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
