«Марбумкомбинат»- кок тӱжемат 200 пашаеҥлан стабильностьын негыз ден гарантше улеш, - каласен Юрий Зайцев
Марий Элым вуйлатышын пашажым шуктышо каласен: «Марбумкомбинат»- кок тӱжемат 200 пашаеҥлан стабильностьын негыз ден гарантше улеш. Марий целлюлоз кагаз комбинатын пашаеҥже ден ветеранже- влакым Юрий Зайцев предприятийым негызлымылан 88 ий темме да лишемше чодыра, пушенгым перерабатыватлыше промышленностьын пашаеҥже- влакын Кечышт дене саламлен. Тудо палемден: ятыр ий дене комбинат Волжск оласе промышленностьын флагманже улеш, социал да инфраструктура проект- влакым чулымын шыҥдара. Кодшо ийын гына продукцийым 13 миллиард утла теҥгелан ыштен луктын. Тудо верыште ок шого, эре вияҥ толеш. Кодшо ийын комбинатын материально- технический базыжым вияҥдаш ик миллиардат 500 миллион теҥгем кучылтын. Юрий Зайцев предприятийын оласе социал инфраструктурышкыжо пыштыме надыржымат палемден. Комбинатын оксаже кӱшеш ныл социал объект пашам ышта: Тӱвыра пӧрт, спорт зал, «Марбум Арена» комплекс да леведышан йӱштылмӧ бассейн. Яльчик ер воктене идалык мучко тазалыкым пеҥгыдемдыме комплекс пашам ышта. Кызыт тушто бассейным чоҥат.Тачысе кечылан предприятийыште кок тӱжемат 200 еҥ пашам ышта. Нунылан да ешыштлан Марбумкомбинат стабильностьын негызше да гарантше улеш. Кӱлешан дате- влак вашеш чылалан кугу таум каласем манын Марий Элым вуйлатышын пашажым шуктышо да награде- влакым кучыктен. Правительствын чап грамотыжым кум еҥлан кучыктымо. Республикым вуйлатышын тауштымашыжым 6 еҥлан увертарыме.
Фото: Марий Элым вуйлатышын организаций да аналитик виктемже.
Фото: Марий Элым вуйлатышын организаций да аналитик виктемже.
