Чот шелышталтмылан кӧра школ автобуслан петырыме корным олмыктымо
Чот шелышталтмылан кӧра школ автобуслан петырыме корным олмыктымо. Республикысе президент толкынын еҥже- влак Курык марий районысо Кожваж ялыш пурымо корным олмыктыктен кертыныт. Шошым верысе калык тургыжланымашым нӧлталын ыле. Тунам курык гыч волымо корнышто рок порволен, а корнын кумдыкшо мучко келге шелше- влак лийын шинчыныт. Школ автобуслан курык гыч волаш чареныт. Тудо курык вуйыштак савырнен шинчын йоча- влакым вучен. А нунынжлан автобус марте ик меҥге наре кужытым йолын ошкылаш верештын. Ача- ава- влак у тунемме ий тӱҥалмеш корным олмыктат манын ӱшаненыт, но нимат ышталтын огыл. Калык фронтын еҥышт ушнымеке гына йодыш верже гыч тарванен. Нуно район администрацийыш, транспорт министерствыш, ГИБДД виктемыш серышым колтеныт. Тиде кечылаште гына верысе калык увертарен: корным тӧрлымо, школ автобус ялышкак пура.
Фото: «ВНД» газета.
Фото: «ВНД» газета.
