Рӱдо олаште кудывече кумдыклаште тенийлан палемдыме паша- влак мучашлалтыт
Рӱдо олаште кудывече кумдыклаште тенийлан палемдыме паша- влак мучашлалтыт. Йошкар-Олаште тӱжемат витле наре кудывече кумдык шотлалтеш. Тушечын кок кумшо ужашыже олмыктымашым вуча, пелыже нарыште вӱдым йоктарен колтымо верым ыштен капитально олмыкташ, бордюрым вашталташ да парковко верым ешараш кӱлеш. Кызыт Петров уремысе шуко пачеран 3-шо номеран пӧрт кудывече олмыкталтеш. Тудын гоч кече еда 39-ше номеран йоча садыш, йоча- влаклан реабилитаций рӱдерыш коштыт. Ола мэрын икымше алмаштышыже Лев Покровский шуктымо пашам ончен да подряд органиазцийын пашаеҥже- влак дене мутланен. Марий Элым вуйлатышын пашажым шуктышо Юрий Зайцевын кӱштымыжӧ почеш икымше октябрьлан ола администраций ончыкылык ий- влаклан кудывечылам олмыктымо посна программым ямдылен шуктышаш. Пытартыш кок тылзе жапыште ме кудывечыла шотышто чыла вуйшиймашым шымлен ик перечньыш погышна, кажне кумдыкын лунчыргымыжым аклышна. Тудын негызеш олмыктышаш черет ышталтеш. Эн ончыч социал тӧнеж- влак верланыме кудывечыла олмыкталтыт. Южо вере лач асфальтым гына уэмдаш кӱлеш, южо вере вӱд йогымо вер лийшаш. Кудывечылам олмыктымо паша график почеш кая да икымше октябрьлан мучашлалтшаш улыт,- каласен Лев Покровский.
Фото: Йошкар-Ола администраций.
Фото: Йошкар-Ола администраций.
