Республикыштына наказанийым шуктышо федерал службо виктемын тӧнежлаштыже кучымо еҥ- влак шагалемыныт

Республикыштына наказанийым шуктышо федерал службо виктемын тӧнежлаштыже кучымо еҥ- влак шагалемыныт
             Республикыштына наказанийым шуктышо федерал службо виктемын тӧнежлаштыже кучымо еҥ- влак шагалемыныт. Марий Элым вуйлатыше Юрий Зайцев виктем коллегийын заседанийыштыже участвоватлен. Погынымаште кодшо ийысе пашам иктешлыме да тенийлан задаче- влакым рашемдыме. Юрий Зайцев участник- влакым саламлышыла палемден: сотрудник- влак идалыкым сай лектыш дене мучашленыт. Пытартыш лу ийыште следствий изоляторлаште да исправительный колонийыште шинчыше- влакын чотышт изем толеш. Тидыже уголовный политикым саемдыме денат кылдалтын. Оролымо объектла гыч шылын куржмаш уке, неле да поснак неле осал пашам ыштыме огыл, тӱшкан шургымаш, мутым колыштдымаш, заложникым налмаш лийын огыл. Оперативник- влак правам аралыше орган дене ваш умылен, осал пашам пырля почаш тыршат. Петырыме верлаште айдемын праважым эскерымылан, реабилитацийлан  кугу вер ойыралтеш. Республикым вуйлатыше тыгак судитлыме еҥ- влакым пашалан туныкташ, паша секторым вияҥдаш кӱлеш манын палемден. Иктешлышыла каласыме: УФСИН тӧнежлаште оперативный обстановка виктараш лийше семын аклалтеш.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски