Юрий Зайцев республике гыч эше ныл йочан шонымашыжым шукта

              Юрий Зайцев республике гыч эше ныл йочан шонымашыжым шукта. Марий Элым вуйлатыше «Шонымашым шуктышо кож» акций кышкарыште  у ий кож гыч  кумылым возыман эше ныл шарым мучыштарен. Тушто Йошкар-Ола гыч Диана ден Ксения Маловамытын возымышт лийын. 8 ияш Ксюша У ий вашеш Йӱштӧ Кугыза деч коньким вуча.  13 ияш Диана ноутбукан лийнеже. Республикым вуйлатыше когыньыштынат шонымашышт шукталтеш манын. А Люльпан гыч Вероника Саван планшетым шукертсек вуча. Республикым вуйлатыше тидат сай шонымаш манын, тудынат кумылжо шукталтеш. Мучыштарыме пытартыш шарыште Советский посёлко гыч 11 ияш Анна Конюкован серымыже. Тудо ушан шагатым пижыктен коштнеже. Чылаштланат пӧлекым Юрий Зайцев шке кучыкташ шона. Акций 28-ше  февраль марте шуйна. Тений шке шонымашыжым Марий Эл гыч  68 еҥ возен. Тиде акцийыш йоча- влак гына огыл, неле илыш йыжыҥыш логалше, инвалидностя кугыеҥ- влакат возен кертыт. Тыге Параньга районысо Элпанур гыч Афганистаныште лийше, 25 ий утла корно пашаште тыршыше, пашан ветеранже, инфаркт деч вара инвалдностьым налше, пенсионер Юрий Тупицынат возен да кидышкыже пӧлекым- у гармоньым налын.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски