10-шо сентябрьыште Марий Эл Кугыжаныш Погынын 12-шо сессийже почылтеш
10-шо сентябрьыште Марий Эл Кугыжаныш Погынын 12-шо сессийже почылтеш. Тудын повесткышкыже 8 йодышым пуртымо. Депутат- влак республикын тенийсе бюджетышкыже, пассажирым шупшыктымо дене кылдалтше законыш вашталтышым пуртат. Пенсионерлан илен лекташ ситыше окса кугытым палемдат, алкоголян йӱышым ужалымаште чарымаш шотышто законым пеҥгыдемдат. Сессий деч ончыч 8-ше сентябрьыште Марий Кугыжаныш университетыште Депутатын кечыже лиеш. Тушто общий, профессионал да кӱшыл шинчымашым пуымо пашам уэмдыме, дистанций гыч туныктымо паша нерген ойлаш тӱҥалыт, Кугыжаныш Погын Президиумын 31-ше выездной заседанийже эрта.
