Ныл марий проект президентын грантшым налеш

Республикына гыч коммерцийдыме организаций- влакын ныл проектышт тений Президентын грант фондшын специальный конкурсыштыжо сеҥышыш лектын. Проектлам шыҥдараш вич миллион утла теҥге колталтеш. Грантым налше- влак коклаште «Тазалык деке сравоч» тазалыкым пеҥгыдемдыме да шинчымашым шарыше рӱдер уло. Тудо кугурак тукымлан «Тазалык школ» программым ямдылен. Тудым шыҥдараш 499 тӱжем теҥге ойыралтеш. «Мемнан инициатива» калыклан право шотышто полышым пуышо организаций кок миллионат 600 тӱжем теҥге оксам еш коклам пеҥгыдемдыме пашалан колта.  «Тунемаш сугыньлымаш» проект начар илыше икшыван ешлан полшаш виктаралтын да 811 тӱжем утла теҥгем налеш. Тудым юмын йӱла организаций шыҥдара. «Волжск олан ончыкылыкан йочаже» мер организаций ик миллион теҥге грант оксам аутизман йочам ончен- куштышо еш- влалкан полшаш кучылтеш.

Прошлые выпуски