Республикыштына кок калыкле проектым график деч ончыч шуктат
Марий Элыште «Илыме вер да оласе кумдык» да «Лӱдыкшыдымӧ да сай качестван автомобиль корно- влак» калыкле проект- влакым шыҥдарыме шотышто паша график деч ончыч шукталтеш. Таче Марий Элым вуйлатыше Александр Евстифеев Россий правительстве председательын алмаштышыже Марат Хуснуллинын эртарыме селектор совещанийыште участвоватлен. Видеоконференций йӧн дене эртарыме совещанийыште регионлаште «Стимул» программым да «Илыме вер ден оласе кумдык» калыкле проектым шыҥдармые йодышым каҥашеныт. Вице-премьер палемден: Россий президентын илаш йӧрыдымӧ пӧртла гыч калыкым кусарыме пашам писештарен колташ кӱштымашыжым шукташ манын, тенийлан 2022-шо ий кӱшеш ешартыш лимитым ойырымо нерген распоряженийым пеҥгыдемдыме. Марат Хуснуллин тыгак корным чоҥымо пашам ончылтен шукташ оксам ешарыме нерген ойлен. Вич миллиардым ойыраш распоряженийым пеҥгыдемдыме. Тиде оксам регион- влак жапыштыже кучылтшаш улыт. Марий Элыште нине проектла почеш пашам ончылтен ышталтеш. Тенийлан палемдыме корно паша сентябрьыште мучашлалтшаш.
