Россий правительстве регионлаште тений корно сетьым вияҥдаш вич миллиард наре теҥгем ойырен

Россий правительстве регионлаште тений корно сетьым вияҥдаш ныл миллиардат 950 миллион теҥгем ойырен. Тидын шотышто распоряженийым правительствым вуйлатыше Михаил Мишустин пеҥгыдемден. Оксам олмыкташ гына огыл, у ужаш- влакым чоҥашланат кучылташ палемдыме. Окса калыкле проект да кугыжаныш программым шыҥдарыме кышкарыште ойыралтеш. Трансфертым Башкортостан, Марий Эл, Тыва, Йӱдвел-Осетий-Аланий республике- влак, Волгоград, Кемерово, Мурманск, Новосибирск, Тамбов, Тюмень, Челябинск область-влак, Ненец автоном округ да Хабаровск край налыт. Марий Эллан 399 миллионат 170 тӱжем теҥге логалеш. Ешартыш финансированийлан кӧра, тенияк икмыняр кундемыште ятыр корно олмыкталт шукталтшаш. Оксам кучылтмо шотышто докладым шушаш ийын икымше февральыште ыштыман.

Прошлые выпуски