Йошкар-Олаште парыман- влакым тергеныт

Йошкар-Олаште парыман- влакым тергеныт. Рейдыште «Дорожный пристав» аппаратно-программный комплексым кучылтын, 50 утла водительым тергыме да 20 наре парыман еҥым рашемдыме. Нуно шокшылан шке жапыштыже тӱлен огытыл. Рейдым «ЭнергосбыТ» предприятийын Марий Элысе да Чувашийысе филиалжын еҥышт суд пристав службо да ГИБДД пашаен- влак дене пырля эртареныт. Кок шагат наре жапыште 40 тӱжем теҥге утла парымым пӧртылтеныт. Тушечын 15 тӱжемже- коммунал полышлан парым. Ик еҥын машинажым штрафстоянкыш колтымо. Кызыт суд пристав службышто шокшылан тӱлыдымӧ-влак шотышто кок тӱжем наре приказ уло. Нунын тӱшка парымышт индеш миллион утла теҥгеш погына. Чылаже оласе калык шокшо да шокшо вӱдлан «Т Плюс» компанийлан 40 миллион теҥгем тӱлен огыл. Тиде окса телылан ямдылалташ кайышаш ыле.

Прошлые выпуски