Тиде арнян «Самырык профессионал- влак» 8-ше калыкле Чемпионатын финалже почылтеш
Тиде арнян 6-шо сентябрьыште «Самырык профессионал- влак» 8-ше калыкле Чемпионатын финалже почылтеш. 21-ше сентябрь марте таҥасыше- влак 130 компетенций дене шке мастарлыкыштым ончыктат. Нунын коклаште Марий Эл гычат 12 уста ӱдыр-рвезе уло. Икымше гана чемпионат дистанционно-очный формат дене эрта. Российын 83 субъектше гыч 16 гыч 22 ияш марте кок тӱжемат 800 утла студент да 12 гыч 16 ияш марте юниор- влак шым блокыш пурышо профессий дене таҥасат. Тиде- чоҥымаш, увер да коммуникаций технологий, дизайн, полышым пуымаш сфера, транспорт да логистика, образований. Марий Элысе 12 участник 11 компетенций дене таҥаса. Сеҥыше-влакын лӱмышт 21-ше сентябрьыште пале лиеш.
