«Корта» базыште ече роллер дене спортсмен- влакын оласе стартыш лектыт
19-ше сентябрьыште «Корта» базыште ече роллер дене спортсмен- влакын оласе стартышт пуалтеш. Тудо Марий Элым ыштымылан 100 ий теммылан пӧлеклалтын. Ола первенствын участникше- влак кок меҥгат пеле гыч 15 меҥге марте кужытым эртышаш улыт. Эн кужу дистанцийым пӧръеҥ да юниор- лвак эртат, ӱдырамаш да юниорка- влаклан 10 меҥгым палемдыме. Таҥасыше- влак коклаште тыгак 40-49 ияш, 50-54, 55-59, 60-64 ияш- влак коклаште сеҥыше- влакым палемдат. Таҥасымаш 13 шагатлан тӱҥалеш.
