19-ше курымысо Чарла могайрак лийын?
Йошкар-Олаште Чарла олам ончыктышо фотосӱрет- влак выставка умбакыже шуйна. Православийын историйже тоштерыште «Ача-ава-влаклан куанаш да Элым чапландараш» лӱман ончер почылтын. Тушто 19-ше курымышто Чарла олан уремже, храмже, пӧртшӧ, калыкше могайрак лиймым ужаш лиеш. А 19-ше курымын кокымшо пелыштыже да 20-шо курымын икымше пелыштыже мемнан олана Озаҥ губернийыште кыдалаш шинчымашым налме дене ик ончыл верым айлен. Тиде жапыште куд тунемме тӧнеж пашам ыштен. 1897-ше ийысе перепись почеш губернийысе уездный ола- влак коклаште грамотность шотышто Чарла икымше верыште лийын. Таҥастарашлан: Озаҥыште 51 процент, Чебоксарыште 48 процент, Чарлаште 61 наре процент. Оласе тӱжемат 685 еҥ гычын ик тӱжемже грамотныйлан шотлалтын.
