Александр Левин «Калык участковый» конкурсын икымше йыжыҥыштыже сеҥышыш лектын

Волжск ола гыч Александр Левин «Калык участковый» конкурсын икымше йыжыҥыштыже сеҥышыш лектын. Тудым виш онлайн йӱклымаш почеш ойырен налме. Тиде конкурс тений элыштына 10-шо гана эртаралтеш. Республикыштына икымше йыжыҥышке полицийын 16 участковый уполномоченныйже ушнен. Нунын верч кум тӱжем наре еҥ йӱклен. Александр Левин 795 йӱкым поген. Козьмодемьянск гыч Кирилл Обухов 663 йӱк дене кокымшо лийын, Шернур гыч Иван Николаевлан 317 еҥ шке йӱкшым пуэн. Икымше йыжыҥыште сеҥыше 13 еҥ кокымшо йыжыҥыште таҥаса. Тудыжо Республикысе МВД-н сайтыштыже 7-ше гыч 16-шо октябрь марте эрта.

Прошлые выпуски