Федерал рӱдерын полышыжо- Марий Элым экономически вияҥдыме ӱшанле негыз
Федерал рӱдерын полышыжо- Марий Элым экономически вияҥдыме ӱшанле негыз. Александр Евстифеевын авторитетшылан кӧра Марий Эл икмыняр тӱҥ федерал программын да проектын участникше лийын. Кум ий жапыште бизнеслан чаракым эн шагал ыштыме дене республике элысе кум ончыл регион радамыш пурен. Тидын нерген амалкалче- влакын праваштым аралыме шотышто Президент пеленысе Уполномоченный ойлен. Федерал полыш нерген ойлаш гын, 2019-ше ий годсек 11 калыкле проект почеш 53 проектым шыҥдараш тӱҥалме. Тудын кышкарыште 2024-ше ий марте тӱрлӧ источник гыч 60 миллиард утла теҥге толшаш. Мутлан, 17-ше ийыште 11 миллиард, кодшо ийын 18, тений 20 кугыжаныш программым шыҥдараш 25 миллиард теҥгем федерал бюджет гыч налаш лийме. 2024-ше ий марте республикым социально-экономически вияҥдыме индивидуальный программым пеҥгыдемдыме. Тудын почеш тачысе кечылаш республикыш 950 миллион теҥгем колтымо. 2019-ше ийыште икымше гана бюджетым профицит дене пеҥгыдемдыме, тенийлан дефицитдыме бюджетым ышытме, 21-ше- 22-шо ийлан профицитым пеҥгыдемдыме. 17-ше-19-ше ийлаште республикын парышыже 25 процентлан кугемын. Промышленный производство, ял озанлык сату, чоҥымо паша, ужалкалымаш ятырлан кушкын. Экономикын чыла шӧрыныштыжӧ 120 инвестиций проект шыҥдаралтеш але ыштышаш планыш пуртымо. Нунын тӱшка акышт 20 миллиард утла теҥгеш погына. Идалык мучаш марте 230 утла у паша вер лийшаш. 2017-ше ий гыч тӱҥалын, кӱлешан паша семын изи да кыдалаш предпринимательствылан полышым пуымаш шотлалтеш.
