Республикысе муниципалитет- влак тунемме тӧнежлашке 200 утла оборудованийым налыныт

«Образование» калыкле проект кышкарыште республикысе муниципалитет- влак 200 утла оборудованийым налыныт. Компьютер технике, лазер да гравировка станок, турист пашалан  да сӱретлаш оборудований, робототехнике набор да шуко молымат республикын правительствыже муниципал школлашке да ешартыш шинчымашым пуышо тӧнеж- влаклан яра пуэн. Оборудованийым «Кажне йочан сеҥымашыже» федерал проект кышкарыште 20 утла миллион теҥгелан налме. Ешартыш шинчымашым налаш вер- влакым почмаш муниципалитет- влаклан куанле да вучымо событий. Курык марий районышто 24 тунемше «Лӱдыкшыдымылак школ» кружокышто, 30 еҥ туризм дене тунемаш тӱҥалеш. Козьмодемьянскыште «Робототехнике» да «Судо-авиамоделирований»  кружоклаште 96 еҥ ешартыш шинчымашым налаш тӱҥалеш, Советский посёлкышто кум корно дене 158 вер почылтеш. Тений республикыштына 45 тунемме организацийыште кум тӱжем утла ешартыш шинчымашым налме вер почылтшаш.

Прошлые выпуски