Тений 17 ФАП-ым чоҥен шуктышаш улыт

Тений республикын бюджетше кӱшеш Волжский районышто вич фельдшер акушер пунктым чоҥышаш улыт. Электрон аукцион- влакым эртарыме, чыла объектшыланат подрядчикым ойырымо. У ФАП-влак Карамасыште, Пызырьгупышто, Пӧртанурышто, Пӱнчысолаште, Моркыялыште лийшаш улыт. Марий Турек районысо Марий Пыламарий ялыште модульный ФАП-ым чоҥаш тӱҥалме. Ончычсыжым чот тоштеммылан кӧра кораҥдыме. Тиде тений чоҥышаш 17 пункт гыч иктыже. У фельдшер-акушер пункт- влак 8 муниципал районышто 100 гыч кок тӱжем марте еҥ илыман яллаште чоҥалтыт. Марий Пыламарийыште ФАП 800 утла еҥым онча. Нунын кокла гыч 123-шо - йоча. Нуно Марий Пыламарийыште, Маныловышто, Ошланыште, Хозиныште илат. Эн тора ялже 10 меҥге коклаште верланен. 

Прошлые выпуски