Ял озанлык- влак у технике дене пойдаралтыт
Республикыштына ял озанлык техникылан миллиард наре теҥге оксам кучылтмо. Ял озанлык министерстве ял озанлык сатум ыштен лукшо- влак дене пырля у техникым да оборудованийым шыҥдарыме пашам чолган шукта. Тенийсе 8 тылзыште республикысе ял озанлык предприятий- влак 980 миллион теҥгелан 453 единице технике ден оборудованийым налыныт. Нунын коклаште 76 трактор, 27 комбайн, кормам погышо 10 комбайн, кум косилке, 15 грузовой машина да моло технике улыт. 10 процентлан шулдырак ак дене 181 миллионлан 24 техникым налме. Озанлык- влак лизинг йӧнымат, льготан кердитымат кучылтыт. Техника паркым чолган уэмдыше- влак коклаште «Семёновский», «Шойбулакский», «Звениговский», «Росагро», «Лукоз» озанлык- влак улыт. Тыгак «Москва», «Искра», «Хлебниковский», «Акпарс», «Передовик», «Родина», «Победа», «У илыш» озанлык- влак у технике дене пойдаралтыт.
