Юрино посёлкышто паром вончемым чоҥымо йодышым каҥашыме
Правительство пӧртыштӧ Юрино посёлкышто паром вончемым чоҥымо йодышым каҥашыме. Марий Элым вуйлатыше Александр Евстифеевын эртарыме совещанийыште экономикыш да муниципалитетлан гуманитар сферышкышт инвестицийым кондымо нерген ойлымо. Тушто инвестор лияш кумылым ончыктышо- влак участвоватленыт. Тиде «Юлысо «Флагман» судоходный команийын» генеральный директоржо Сергей Денисов ден «Угарман ярминга» ушемым вуйлатышын советникше Валерий Барулин. Инвестор- влакын каласыме ик темлымашыже Юл эҥер гоч шупшыктымо пашам вияҥдымаш лийын. Валерий Барулин палемден: компаний судным налын. Тудым Юрино посёлко ден Юрино районым Курыкмарий районысо Сумки села дене ушен шогышо паром семын кучылташ лиеш. Коклаже ныл меҥгыш погына. Компаний тыгак вӱд пундашым да серым эрыкташ ямде. Марий Элым вуйлатыше Александр Евстифеев палемден: тиде проект кӱлешан. Молан манаш гын, Йошкар-Ола- Угарман автомобиль корно федеральныйыш савырнен. Сандене паром турист- влакын кумылыштым савырен кертеш да калыкым да грузым шупшыкташ йӧн лиеш. Тиддеч посна Копорулиха- Юрино корно республике кӱкшытан. Шушаш ийын тудым олмыкташ тӱҥалына. Кок ий жапыште корно норматив марте шукталтшаш. Тидыже Юрино районым почеш манаш лиеш. Тыгак Шереметвмыт замокым олмыктымаш кумылым савыра. Сандене каҥашыме проект тӱрлӧ тӱшка калыклан оҥай лийшаш, - иктешлен Александр Евстифеев.
