«2019-ше ийын футболистше» лӱм налаш шым футболист ӱшаным куча
«Гордей» премийым пуымо радамыште «2019-ше ийын футболистше» лӱм верч шым футболист ӱчаша. Кандидат- влакын спискыштым «Гордей» марий профессионал футбол премийын мер советше ыштен. Сеҥышым 33 экспертым йодыштмаш деч вара рашемдат. Иктешлымаш годым интернетыште йодыштмаш почеш тӱшка шонымаш ик йӱк семын аклалтеш. Претендент- влак коклаште «Дружба» клуб гыч Константин Бастраков, РМТ гыч Максим Голдабин, ЗПП гыч Сергей Горев, Самарысе «Крылья Советов» гыч Геннадий Киселёв, Волжск гыч Марат Мирсадыков, Нижнекамскысе «Нефтехимик» гыч Лев Потапов, РМТ гыч Роман Садовин улыт. Йӱклымаш «ВКонтакте» сетьыште «Гордейын» лаштыкыштыже кая. Премийым кучыктымаш 6-шо январьыште лиеш.
