Российыште Образцово кучымо спорт оралтылан «Арена» кокымшо калыкле конкурсым иктешлыме
Российын Олимпий да Паралимпий комитетше- влак, Спорт сооружений- влакын ассоциацийышт Российысе Спорт министерствын полшымыж дене Образцово кучымо спорт оралтылан «Арена» кокымшо калыкле конкурсым эртареныт. Тудо тӱрлӧ номинаций дене эртен: стадион, шуко функциян комплекс, бассейн, теле спорт сооружений, специализированный спорт тӧнеж да молат. Оргкомитет сеҥыше- влакын спискыштым да лауреатыштым палемден. Стадион- влак коклаште «Дружба» стадион кумшо верым сеҥен налын. А бассейн- влак коклаште «Йошкар-Ола» Вӱд полат кокымшо верыш лектын.
