Российысе шурно ушемын еҥже- влак Республикыште лийыныт

Российысе зерновой союзын еҥже- влак Республикыште лийыныт. Российысе пырче ушем пӱтынь зерно рынкын профессиолнал да лӱмлӧ ушемжылан шотлалтеш. Тудо отрасльын интересшым арала, кугыжаныш агропродовольственынй политикым шыҥдараш полша. Кызыт тиде ушем агропромышленный секторын 275 организацийжым ушен шога. Тушечын 50 процент утлаже шурным ончен- куштышо, аралыше да перерабатыватлыше предприятий улыт. Ушемыш пурышо- влак российысе пырчын 20 наре процентшым ыштен налыт, пел кугыт наре ложашым да комбикормам луктыт, 90 процент наре пырчым экспортыш колта. Российысе пырче ушемын еҥже- влак республикыште лиймышт годым комбикормам лукшо «МариЗерноПродукт» ушемын пашаж дене палыме лийыныт. Производствын директоржо Николай Немкин шыҥдарыме инвестиций проект- влак да предприятийым умбакыже вияҥдыме, проукций кугытым ешарыме, пырчым аралыме куатым уэмдыме да уэш ложашым йоҥышташ тӱналме нерген ойлен. Ял озанлык министр Александр Гречихо дене пашаче вашлиймаште республикысе шурно рынкым умбакыже вияҥдыме нерген ойлымо. Министр производствын, переработкын, шурным ужалымашын, ончыкыжым ямде продукцийым йот элыш ужалымашын пайдалыкышм кугемдаш кӱлешым палемден. Сергей Турнин ден «МариЗерноПродукт» ушемын еҥышт пырля пашам ышташ ямде улмышт нерген каласеныт.

Прошлые выпуски