2023-шо ийысе налог деклараций кампаний тӱҥалын
Марий Элыште 2023-шо ийысе налог деклараций кампаний тӱҥалын. 2022-шо ийыште парышым налше- влак отчётым пуышаш улыт. Тыште погым ужалыме деч, арендыш пуымо, олмыктымо паша деч парышым налше, лотерей, казино, тотализаторлаште модын налше, реклама, конкурслаште, шергакан кагаз, акцийым ужалыме деч пурышо парышлан, ӧрдыж еҥ деч пӧлек шотеш кусараш лийдыме погым, машинам, акцийым налше- влак отчётым ыштышаш улыт. Декларацийым тыгак посна амалкалче, нотариус, адвокат- влак возышаш улыт. Налог органыш декларацийым 30-шо апрель марте пуыман, а декларацийыште шотлымо НДФЛ-ым 17-ше июль марте тӱлыман.
