Сентябрьыште Россий мучко субботник лиеш

Сентябрьыште Россий мучко субботник лиеш
«Ужар Россий» уло элна мучко экологий субботникыш ӱжеш. Тыгай мероприятий 7-ше сентябрьыште Сахалин гыч тӱҥалын Калининград марте эрта. Кажне еҥ шочмо олаштыже але посёлкышто, кудывечыште але предпрятийыште, школышто але паркыште генеральный уборкыш ушнен кертеш. Але тӱшкан погынен каныме верлашке эрыкташ лекташ лиеш. Йӱла почеш субботник 7-ше гыч 28-ше сентябрь марте эртаралтеш. Тиде эше шке шотан конкурс. Тудын пӧлекше да премийжат лиеш. Сеҥыше- влакым декабрьыште Москошто «Экологий Оскар» калыкле премийым кучктымо годым палемдаш тӱналыт.

Прошлые выпуски