30-шо январь гыч 5-ше февраль марте онкологий черым шижтарыме арня эрта
30-шо январь гыч 5-ше февраль марте онкологий черым шижтарыме арня эрта. Республикысе тазалыкаралтышын тӱҥ внештатный онкологшо Анжелика Желаеван мутшо почеш, эртыше ийын учётышто 16 тӱжемат 247 еҥ шоген. Икымше гана диагнозым шындыме дене кок тӱжемат 263 еҥ, 61 процент пациентын черже икымше да кокымшо стадийыште рашемын, ик ийыште ӱмыр лугыч лийше 19 процент, вич ий иылше 53 процент лийыныт. Черым радамлен ончаш гын, икымше верыште коваштын ракше да меланома- 16 процент, кокымшо верыште 13 процент дене колоректальный рак, кумшо верышто шӧр ту рак- 12 утла процент, нылымшыште- 9 утла процент дене ӱдырамаш орган, предстательный ту- 8 утла процент, кукшылогар, шодо рак- шым процентат пеле, пагар рак- 6 процент. Пӧръеҥ ден ӱдырамаш- влакын эн чӱчкыдын вашлиялтше рак черыштымат рашемдыме. Эртыше ийын онкологий диспансерын поликлиникышкыже 45 тӱжемат 598 еҥ миен. Черле- влакым эмлаш да тергаш кӱкшӧ технологиян ятыр оборудований уло.
Фото: Тазалыкаралтыш министерстве.
Фото: Тазалыкаралтыш министерстве.
