Марий Эл гыч спортсмен- влак греко-рим кучедалмаш дене Юл Кундем округын Первенствыштыже призёр лийыныт

Марий Эл гыч спортсмен- влак греко-рим кучедалмаш дене Юл Кундем округын Первенствыштыже призёр лийыныт
            Марий Эл гыч спортсмен- влак греко-рим кучедалмаш дене Юл Кундем округын Первенствыштыже призёр лийыныт. Кодшо арня мучашыште Озаҥ олаште 21 ияш марте юниор- влак коклаште греко-рим кучедалмаш дене округын Первенствыже эртен. Йошкар-Ола гыч мийыше олимпий резерв училищын спортсменже- влак призёр лийыныт. Мемнан- влак кокла гыч эн сай лектышым Кирилл Четкарёв ончыктен. Тудо 60 килограмм марте нелытан- влак коклаште кокымшо лийын. Той наградым Роман Кошпаев ден Ислам Гильхаев сеҥен налыныт. Нуно 67 килограмм  да 72 килограмм марте нелытан- влак коклаште таҥасеныт. Шке сеҥымашышт дене спортсмен- влак Россий Первенствын финалышкыже путёвкым сеҥен налыныт. Тудыжо 8-ше гыч 12-шо март марте Новосибирск областьыште лиеш.
             Фото: «Марий Элыште спорт» лаштык.

Прошлые выпуски