9 май вашеш кӧ единовременный выплатым налеш?
Российысе паша министерстве Россий правительствын «Кугу Ачамланде сарыште сеҥымылан 75 ий темме вашеш Российысе южо граждан- влаклан ик гана оксам тӱлымӧ нерген» пунчалын проектшым ямдылен. Ушештарена: Россий прездентын Указше дене Кугу Сеҥымашын лӱмгечыже вашеш апрель-майыште ветеран- влак ик гана тӱлымӧ оксам налыт. Паша министерствын рашемдымыж почеш, единовременный выплатым Кугу Сарын инвалидше, ветеранже, концлагерьлан ийготыш шудымо узникыштлан, Финляндий, Кугу Ачамланде сар, Японий дене кредалмаште вуйым пыштыше военнослужащий- влакын тулык ватыштлан, сарын инвалидше да участникше- влакын колымышт деч вара шкет кодшо пелашыштлан тӱлаш ыштыме. Нине категорий еҥ- влак ик гана 75 тӱжем теҥгем налыт. Тылыште тыршыше Кугу Сарын ветеранже- влаклан да фашизмын кугу ийготан узникше- влаклан 50 тӱжем теҥге гыч пуат. Чылаже элна мучко тыгай оксам ик миллионат 148 тӱжем утла еҥ налеш. Тушечын 537 тӱжемжылан 75 тӱжем дене, 611 тӱжемжылан 50 тӱжем теҥге дене логалеш. Марий Элыште кызыт спискым рашемдымаш кая,- увертара Пенсий Фондын пӧлкаже.
