Школ да туныктышо пашаеҥ- влаклан конкурсым увертарыме
Кугу Ачамланде сарыште сеҥымылан 75 ий теммым палемдыме лӱмеш школ да туныктышо пашаеҥ- влаклан конкурсым увертарыме. Республикым вуйлатышын распоряженийже почеш, туныктыш министерстве Шарнымаш да Чап идалыклан пӧлеклалтше эн сай методик разработкылан туныктышо- влак коклаште да сарыште калыкын геройло подвигшым шарнымашеш кодаш манын школ- влак коклаште республикысе конкурсым эртара. Туныктышо- влак коклаште конкурс кум номинаций дене лиеш да ик сеҥыше ден 6 призёрым палемда. Нуно 20 тӱжем да вич тӱжем теҥге гыч призым налыт. А школ кокласе конкурсышто кундем шот дене 17 сеҥыше лийшаш. Ола да посёлкыласе 7 школ 150 тӱжем теҥге гыч, ялласе 10 школ 75 тӱжем теҥге гыч грантым налеш.
