Марий Элыште Владимир Путинын шанче да кӱшыл шинчымаш шотышто инициативыжым шыҥдарыме шотышто пашаче группо ышталтеш
Марий Элыште Российын Президентше Владимир Путинын шанче да кӱшыл шинчымаш шотышто инициативыжым шыҥдарыме шотышто пашаче группо ышталтеш. Тидын нерген теҥгече Правительстве пӧртыштӧ Александр Евстифеевын эртарыме совещанийыште мутланыме. Республикым вуйлатыше ушештарен: Владимир Путин ик теме дене- экономике да социал сферылан кадрым ямдылымаште регион- влакын рольышт нерген, икмыняр мероприятийым эртарен. Тушто шуко йодышым каҥашыме. Кадрым ситараш манын, икмыняр решенийым темлыме. Нунын кокла гыч иктыже- вузыш тунемаш налме контрольный цифр- влакым ямдылымаш. Регионлаште чыла кӱлеш профессий дене кадрым ямдылыше вуз уке. Сандене туныктышо- влакым ямдылыме, туныктымо пашашке уста специалист- влакым ӱжмӧ нерген, вуз- влакын технический йӧныштым ушымо да пырля кучылтмо, самырык- влак коклаште профориентаций пашам писемден колтымо нерген ойлымо. Республике лишыл жапыште кадрым ямдылыме шотышто Президентын порученийжым шуктымашке ушнышаш,- каласен республикым вуйлатыше. Тыгак пашаче органым, оргкомитетым ышташ темлен. Эн ончыч могай специалист- влак да мынярын кӱлмыштым рашемдыман. Тиде пашашке Юлтехат, Марий университетат ушнаш ямде улмышт нерген каласеныт.
