Самырык- влакым «Спорт да интеллект йӱд» вуча
Йошкар-Оласе самырык тукымым «Спорт да интеллект йӱдыш» ужыт. Кугарнян, 14-ше февральыште, Самырык- влакын полатыштышт самырык- влакын нылымше «Спорт да интеллект йӱд» фестивальышт эрта. Тушто икмыняр площадке пашам ышта. Фитнес-площадкыште уна- влакым спорт да куштымаш корно дене тренировко- влак вучат. Интеллектуал площадкыште тӱрлӧ уш-акыл модмаш лиеш, сӱрет галерей шинчымаш программым ямдыла. Команде дене модмо спорт площадкыште волейбол дене модмаш лиеш. Тыгак лазертаг, чоҥештыше фризби диск дене Алтимат модмаште шкем тергаш лиеш. Толшо- влакым тыгак ӱстембал модмаш, автоматым рончен-погымаш да молат вучат. Кажне кумылан еҥ тушко оксам тӱлыде пурен кертеш. Пелен спорт формо ден кокымшо йолчиемым налаш темлат.
