Археолог Валерий Никитинын 80 ияш лӱмгечыжлан пӧлеклалтше шанче конференций лиеш
17-ше февральыште Васильев лӱмеш йылмым, сылнымутым да историйым научно шымлыше марий институтышто археолог, историй наука доктор Валерий Никитинын 80 ияш лӱмгечыжлан пӧлеклалтше «Марий кундемым археологий велым шымлыме лектыш да пӱсын шогышо йодыш- влак» шанче конференций лиеш. Тудо 10шагатлан тӱҥалеш. Валерий Валентинович марий мландын да воктелсе кундем- влакын кӱ да той-кӱ курымласе жапшым шымлыше специалист, 200 утла шанче пашан авторжо улеш. Конференцийыш Самара, Озаҥ, Кострома, Чебоксар да Йошкар-Ола гыч археолог- влак чумыргат.
