Меланомылан оксам тӱлыде тергалт кертат
Республикысе кожно-венерологический диспансер 18-ше февральыште 8 гыч 13 шагат марте дерматоскопий йӧн дене еҥ- влакым яра тергыме меланома кечым эртара. Кодшо ийын тыгай йӧн дене 450 еҥ пайдаланен. Тергымаш почеш 25 еҥым республикысе онкодиспансерыш рак шотышто келгынрак тергалташ колтеныт, тушечын 19 еҥжын меланома лийын кертеш манын шонымаш лектын. Тазалыкым тергаш тыгай йӧным кучылташ тыршаш кӱлеш. Врач деке ончылгоч 41-99-63 номеран телефон дене возалташ кӱлеш. Возалтше еҥ- влак пеленышт паспортым, медицина полисым да СНИЛС-ым налшаш улыт.
