Ныл еҥ гражданинын тӱҥ документшым налын
Медведево районышто самырык еҥ- влаклан паспортым торжественно кучыктымо. Мероприятий миграций шотышто подразделенийлам ыштымылан 300 ий теммылан пӧлеклалтын. Районысо полиций пӧлкаш МВД-н миграций йодыш дене виктемжым вуйлатыше Алексей Дмитриев миен. 14 ийым темыше ныл ӱдыр-рвезе икымше гана кидышкышт кугу документым кученыт. Паспорт дене пырля Россий Федерацийын тӱҥ законжым- Конституцийым пуэныт. Мучашлан Российын Гимнжым колыштыныт.
