Йошкар-Ола гыч футбол дене любитель команде- влак ончыко лектыныт

Йошкар-Ола гыч футбол дене любитель команде- влак ончыко лектыныт
Озаҥ олаште футбол дене  Юл кундемын шымше кубокшо верч таҥасымаш эртен. 18 любитель команде кокла гыч кокытшо Йошкар-Ола гыч лийын. Тиде «Райо Вальекано» ден «Дружба». Тӱшка дене модмаште «Дружба» кок гана сеҥышыш лектын, ик гана ничьям ыштен да ик гана сеҥалтын. Четвертьфиналыште Набережный Челна гыч «Шинный центр» командым 7 да 1 счёт дене сеҥен, полуфиналыште Ульяновскысо «Кучинам» 1 да 0 счет дене ончылтен. «Пайо Вальекано» тӱшка модмаште кум гана сеҥен да ик ничьям ыштен. Четвертьфиналыште Озаҥысе «Маджуна» командын капкашкыже 6 мечым пурта, полуфиналыште Уфа гыч «Витязь ГТУ» командым 4 да 1 счет дене сеҥен. Тыге финалыште Йошкар-Оласе кок команде вашлийыныт. «Райо Вальекано» «Дружбым» 5 да 1 счёт дене сеҥен. Тыге почётан трофейым модын налеш да 35 тӱжем теҥге окса приз дене палемдалтеш. А «Дружба» ший медаль да 25 тӱжем теҥге приз дене пӧртылеш.

Прошлые выпуски