«Газпром» полшымо дене Приволжский посёлкышто ФОК-ым чоҥен пытарат

«Газпром» полшымо дене Приволжский посёлкышто ФОК-ым чоҥен пытарат
Таче Марий Эл правительстве ден «Газпром трансгаз Нижний Новгород» ушем коклаште Волжский районысо Приволжский посёлкышто физкультура да тазалыкым пеҥгыдемдыме комплексым чоҥен пытараш оксам ойырымо нерген соглашенийым пеҥгыдемдыме. Документеш шке кидпалыштым Александр Евстифеев ден комапнийын генеральный директоржо Вячеслав Югай шынденыт. Соглашений почеш республикылан объектым чоҥен пытараш 145 миллионат 500 тӱжем теҥге яра пуалтеш. ФОК-ым чоҥен пытарыме да газификаций пашалан пӧлеклалтше Совещанийыште Республикым вуйлатыше Газпром правлений председатель Алексей Миллерлан да комапнийын генеральный директоржо Вячеслав Югайлан тауштен ойлен. Тыгак Газпром дене пайдале вашкылым палемден. Тений икымше январьлан шотлымаште илемлашке газым пуртымо сомыл 88 процентыш шуын, а Россий мучко тиде показатель- 68 процент. Газпром дене кыл «Газпром-йоча-влаклан» программе радамыштат шукталтеш. Морко посёлкысо 6-шо школышто бассейным олмыктымо, Волжский велысе Шарачаште спорт площадкым ыштыме. Приволжский посёлкысо ФОК тыгак тиде программе денак ыштен шукталтшаш. Йӧн дене пайдаланен Александр Евстифеев погынышо- влакым нефть, газ да топливный промышленностьышто тыршыше- влакын лишемше кечышт дене саламлен.

Прошлые выпуски