Таче Кокымшо тӱнямбал сарын мучашлалтме кечыже

Таче  Кокымшо тӱнямбал сарын мучашлалтме кечыже
Таче Российыште шарнымашан дате палемдалтеш- 1945-ше ийыште Кокымшо тӱнямбал сарын мучашлалтме кечыже. Тиде кечым федерал закон дене 2010-шо ийыште пеҥгыдемдыме. Тудым чылт у пайрем манаш ок лий. 1945-ше ий 3-шо сентябрьыште Японийын капитуляцийже деч вара СССР Верховный Советын президиумжо Японийым сеҥыме кече семын палемден. А Кокымшо тӱнямбал сарым 1939-ше ий икымше сентябрьыште Германий тӱналын. Тудо Польшыш керылт пурен. Тиде сар 61 элым авалтен. Кредалмаш 40 элын кундемыштыже, ныл океаныште каен шоген. Ик миллиардат 700 миллион еҥ кредалмашке ушнен.
Кокымшо тӱнямбал сарын тӱналмыжлан 80 ий темме лӱмеш Йошкар-Олаште патырлык нерген фильм- влакым ончыктат. Йошкар-Оласе историй тоштерын Воин чап пӧлкаштыже  таче икмыняр минут гыч «Война Анны» кино тӱналеш. Визымше сенгтябрьыште 14 шагатлан олан историй тоштерыштыже «Семь пар нечистых», 9-ше сентябрьыште «Они сражались за Родину», 11-ше сентябрьыште «Бресткая крепость», 13-шо кечын «Танкист, или «Белый тигр» кино- влакым ончаш йӧн лиеш.

Прошлые выпуски