Икымше пелийлан правительстве иктешлымашым ыштен

Икымше пелийлан правительстве иктешлымашым ыштен
Республикын правительствыже тенийсе икымше пелийлан Марий Элын социально-экономически вияҥмыже да консолидированный бюджетым шуктымо шотышто иктешлымашым ыштен. Пунчалыште палемдыме: шуко показатель дене кодшо ийысе икымше пелий дене таҥастарымаште кушмаш палдырна. Промышленный производствын индексше 5 процентлан, ял озанлык сатум лукмаш 10 процентлан кушкын. Чоҥымаш пашам 43 процентлан кугемдыме, ужалкалыме оборот 0 тичмашат 4 луаш процентлан, тӱлыман полыш ик процентат пелылан ешаралтын. Кокла пашадар январь гыч май марте 6 процентлан кушкын да 28 тӱжем теҥгем эртен. Консолидированный бюджетыш 16 миллиард теҥге парыш пурен, тидыже кодшо ийысе деч 13 процентлан шукырак. Налог да налогдымо парыш 535 миллион теҥгем эртен. Исполнительный кучем орган- влаклан сентябрь мучаш марте регионысо проект- влакым шыҥдарыме контрактым пеҥгыдемден пытараш, ойырымо оксам пашаш пышташ темлыме.

Прошлые выпуски