Адакат йолорвам шолышташ тӱҥалыныт
Марий Элыште уэш велосипедым шолыштмо тургым тӱҥалын. Ик суткаште гына кум шолыштмашым пален налме. Полицийыш У Торъял посёлко гыч 37 ияш пӧръеҥ йодмаш дене миен. Тудо подвалыште кӱртньо пуч деке трос дене пижыктен кодымо йолорваже уке лийме нерген увертарен. Йошкар-Олаште 21 ияш еҥын 13 тӱжем теҥгеаш техникыжым кокымшо пачашысе площадке гыч шолышт каеныт. 55 ияш пенсионеркын 7 тӱжем теҥгеаш йолорваже тыгак подвал гыч «шикшалтын». Тушко сурам пудыртен пуреныт. Чылаже шотыштат уголовный пашам тарватыме.
