Шушаш шыже-теле жаплан ямдылалтмаш тӱҥалын

Республикым вуйлатыше правительствын заседанийжым эртарен. Ончымо йодыш- влак коклаште шыже –теле жапым кузе эртарыме да кӱлешан объект- влакым шушаш шыже- теле жаплан ямдылыме, калыкле проект- влакым шыҥдарыме, кум ияш марте йоча- влаклан верым ситарыме да моло йодыш- влакат лийыныт. Палемдыме: дежурный режим дене пашам ыштыше 54 йоча сад деч молыштыжо шокшым йӧртымӧ. У йӱштӧ тургымлан вич тӱжемат 164 шуко пачеран пӧртым ямдылыман, 526 ырыктыше котельныйым, 650 меҥге шокшым пуышо да кок тӱжемат 523 меҥде вӱд пучым, 48 рӱдӧ тепловой пунктым, тӱжемат 109 меҥге канализаций, 15 тӱжемат 372 меҥге электро да 6 тӱжемат 147 меҥе газ пучым ямдылыман. Курык марий да Куженер районысо кум тунемме тӧнежым да «Маркоммунэнергон»  кум котельныйжым пӱртӱс газыш кусараш палемдыме. Калыкле проект почеш 40 социал кӱлешан объектым олмыктымо паша кая. 8 йоча садым чоҥаш планыш пуртымо, нылытыштыже пашам тӱҥалме. Объект- влакым вес ий мучашлан ыштен шуктышаш улыт. Красный Стекловар психоневрологий интернатыште малыме корпусым чоҥымаш умбакыже шуйна. Юрино посёлкышто да Козьмодемьянскыште стадионым чоҥаш палемдыме. Йошкар-Олаште да Волжскышто школ чоҥалтеш. 17 ФАП-ым, онкологий диспансерын у поликлиникыжым, республикысе йоча клинический эмлыме верын инфекций корпусшым чоҥышаш улыт. Яков Эшпай лӱмеш Марий кугыжаныш филармонийым чоҥымаш умбакыже шуйна. Тыгак Марий Турек районышто да Козьмодемьянскыште очистной сооружений ден канализаций чоҥалтыт. Заседанийыште моло йодыш- влакымат ончымо.

Прошлые выпуски