Республикыштына эше ик еҥ коронвирус черлан кӧра ӱмыр лугыч лийын

Республикыштына эше ик еҥ коронвирус черлан кӧра ӱмыр лугыч лийын. Черланыше- влакын чотышт иктӧр ешаралт толеш. Ик кечын 30 еҥ ыле, вес кечын 24 еҥ ешаралтын. Хронический черан- влакын черышт нелынрак эрта. Колышо икымше ӱдырамашын шуко моло черже лийын. Кокымшыжын шодыштыжо рак черлан операцийым ыштыме улмаш. Тидын негызеш короновирусан пневмоний вияҥын. Тыге кок еҥ ӱмыр лугыч лийын. Тидын годымак эмлалт лекше- влакын чотыштат ешаралтеш да 132 еҥыш шуын. Тыгак кок йоча черым сеҥен лектын.
Эртыше суткаште республикыштына эше 31 еҥлан коронавирус диагнозым шындыме. Черланыше- влакын чотышт ешаралтеш. Ынде нунын чотышт 462 еҥыш шуын. Йошкар-Оласе эмлыме вершыте 149 еҥ эмлалтеш, 147-шын пневмоний шотлалтеш. 33 еҥ нелын черланыше, 116 еҥ кокла шот дене черланыше радамыште улыт. Ик еҥ аппарат полшымо дене шӱла, 62 еҥлан кислород ешаралтеш. 55 еҥын коронавирус черым пеҥгыдемдыме. Тыгак республикысе йоча эмлыме верыште 16 еҥ, тынарак Звениговышто, Козьмодемьянскыште- 15, Волжскышто- 11, Марий Турекыште- 27, Медведевыште 13-ын эмлалтыт. Чылаже районласе стационарлаште 247 еҥ эмлымашым эрта. Тушечын 209 еҥже пневмоний дене орлана. 110 еҥын коронавирусым пеҥгыдемдыме. Нелын черланыше коклаште 44 еҥ, кокла нелыт дене- 186, куштылгын черланыше 17 еҥ шотлалтеш. Кум еҥ ИВЛ полшымо дене шӱла, 83 еҥ кислород полышым налеш.

Прошлые выпуски