Российысе пелмарафон августышто гына лиеш
Российысе ЗаБег.РФ пелмарафоным республикысе калык августышто гына куржын кертеш. Тудым 31-ше майлан палемдыме ыле. Пандемийлан кӧра тиде кугу тӱшка куржталмашым 2-шо августышто эртараш палемдыме. Кокымшо августлан Россий мучко 150 тӱжем еҥым стартыш вучат. Нунылан ныл дистанций темлалтеш: ик меҥге, визыт, лу да пелмарафон кужыт- 21 меҥгат 100 метр. ЗаБег.РФ куржталмаш 2017-ше ий годсек эртаралтеш. Кодшо ийын тушко 19 ола ушнен ыле. Тений ик жапыште куржталмашлан стартым вигак 85 субъектыште пуат.
