Эҥгекыш логалше калыкым жаплан вераҥдыме пункт- влакын ямде улмышт шотышто смотр-конкурс эрта
Йошкар-Олаште вучыдымо ситуацийым шижтарыме да тудым кораҥдыме, пожар лӱдыкшыдымылыкым ыштыме шотышто комиссийын распоряженийже почеш, эҥгекыш логалше калыкым жаплан вераҥдыме пункт- влакын ямде улмышт шотышто смотр-конкурс эрта. Тушко, кӱлеш лийме годым, кундемыштышт жаплан вераҥдыме пунктым ыштышаш организаций- влак ушнат. Смотр-конкурсышто эҥгекыш логалше калыкым приниматлыме шотышто тренировко- влак эртаралтыт. ПВР-влакым тыныс жапыште гына, калыклан лӱдыкшым лукшо вучыдымо ситуаций лекме годым, ыштат. Смотр-конкурс 29-ше мартыште мучашлалтеш.
