Александр Евстифеев кум ий Марий Элым вуйлата

Кум ий ончыч Александр Евстифеев Марий Элым вуйлатыше лийын. Йошкар- Олаш тудо тиддеч пел ий ончыч толын да апрель гыч Марий Элым вуйлатышын сомылжым шукташ тӱҥалын. А 10-шо сентябрьыште эртыше сайлымашыште шукырак еҥ тудын верч шке йӱкшым пуэн. Тиддеч вара шагал огыл жап эртен. Александр Евстифеев кугу тӱткышым турист паша, медицинылан, Кугу Сеҥымашан 75 ий темме да Республикын 100 ияш лӱмгечыжлан ямдылалтмылан ойырен. 2019-ше ий гыч калыкле проект- влак почеш кугу паша шукталтеш. Кок ий жапыште 6 у йоча сад чоҥалытын, эше икмыняре кызыт нӧлталтеш, ола ден районлаште корно чоҥалтеш, медицина да спорт инфраструктура кумдаҥеш. Чыла тидын кӱлешыжым умылен, вуйлатыше кажне кечын гаяк ямде да чоҥалтше объектлаш лектын коштеш, чыла шке терга. Правительствын да тудын тыршымыжлан кӧра авиакылым пӧртылтымӧ, у Перинатал рӱдер ышталтеш, Сомбатхей гыч кугу магистраль корно чоҥалтеш, коронавирус дене кучедалмашке кугу вий пышталтеш. Вуйлатышын пашажым калык акла. Кодшо арнян гына социал сетьлаште поро пашалан вуйлатышын лӱмжым ушештарыме шот дене Александр Евстифеев рейтингыште ончыл верыш лектын.

Прошлые выпуски