Йоча пособийлан йодмашым пуаш вашкыза
30-шо сентябрьыште 16 ияш марте йоча-влаклан пособийлан йодмашым налмым чарнат. Сандене кӧ тидым ыштен шуктен огыл гын, вашкаш кӱлеш. Пандемий жапыште Россий президент Владимир Путинын кӱштымыжӧ почеш йоча-влаклан посна окса полышым лийын. Нунын коклаштак 3 ий марте икшыве-влаклан да 3 гыч 16 ияш марте йоча-шамычлан пособий-влак. Икымшыжлан йодмашым Пенсий фондын сайтше але Госуслуги портал гоч пуаш лиеш, а теве кокымшыжлан Госуслуги портал гоч гына. Тыгак чыла документ дене Пенсий фондышко але Шуко функциян рӱдерышке мияш лиеш.15-ше сентябрьлан республикыште тыгай кугыжаныш полышым 135 тӱжем 600 утла йоча налын.
