Александр Евстифеев кум йочан шонымашыжым шуктен
Александр Евстифеев кум йочан шонымашыжым шуктен. Республикым вуйлатыше У ий вашеш поро йӱлаш савырныше «Шонымашым шуктышо ёлка» Россий кӱкшытан акцийыш ушнен. Тений тыгай кожым Правительство пӧртеш вераҥдыме. Вуйлатыше республикысе йоча- влак у ий пӧлек семын мом налаш шонат?- манын да кож гыч шонымашым возыман кум шарым мучыштарен налын. Икымше шарже Курык марий районысо Емангаш ял гыч 10 ияш Ника Митрюшкина деч лийын. Никан тазалыкше начаррак. Сандене тудо шведский стенкым налаш шонен. Вес шарже Йошкар-Ола гыч 15 ияш Николай Антоненков деч лийын. Тудо фотоаппаратан лийнеже. Йошкар-Ола гычак Ксения Уртьева У ийлан ноутбукым вуча. Нунын кумыньыштынат шонымашышт шукталтеш,- каласен Александр Евстифеев.
