Уста сӱретче да туныктышо шке пашаже- влакым калык ончыко луктын
Йошкар- Олаште Валерий Чеботкинын радына выставкыже почылтын. Тудо Марий Элын сулло сӱретчыжын 60 ияш лӱмгечыжлан да усталык пашажлан 41 ий теммылан пӧлеклалтеш. Экспозицийыш 100 утла живопись да графика пашажым лукмо. Лӱмгече озам саламлаш лишыл йолташыже, пырля пашам ыштыше, усталыкшым аклыше да тунемшыже- влак погыненыт. Икымше гана тудым книгалан графика сӱретым ыштыше да театрлан сӱретлыше семын ужыт. Живопись кумдан ончыкталтеш, келге кышам кодышо еҥ- влакын портретыштым ужаш лиеш.
