Александр Евстифеев Россий Президентын Юл кундем округышто полномочный представительже Игорь Комаровын эртарыме селектор совещанийыште лийын
Александр Евстифеев Россий Президентын Юл кундем округышто полномочный представительже Игорь Комаровын эртарыме селектор совещанийыште лийын. Погынышо- влак округысо кундемлаште тазалыкаралтыш системын коронавирус дене кучедалаш ямде улмыштым, медицина организаций- влаклан кӱлешан оборудований ден аралалтме средствым ситарыме йодышым каҥашеныт. Игорь Комаров ушештарен: полпредын аппаратше округысо кажне регионлан полышым пуа да вераҥдыме увер-влакын чын да тичмаш улмыштым терген шога. Теҥгечысе кечылан округ мучко ныл тӱжемат 600 еҥын чержым пеҥгыдемдыме. Тестироватлыме пашам кугемдаш да черланышым жапыштыже рашемдаш кӱлеш манын палемден. Тестым эртарыме дене ончылно Киров, Пенза область да Марий Эл каят. Эпидемий ваштареш виктаралтше мероприятий- влак умбакыже эртаралтыт. Ситуацийым республикын Правительствыж дене Роспотребнадзор виктем контрольышто кучат.
